Sagara Kadeudeuh

Clak...keclak...caina nyakclak

Herang ngagenyas ngawawaas

Kalangkang kuring katembong jelas

Ruak riak na balong kadeudeuh

Sakeclak...dua keclak...

Mangtaun jadi hujan.

Nguyumbang jadi sagara

Malidkeun rakit kabagja

Kanyaah anjeun nyakclak

Maseuhan hate nu

Hanaang ku kadeudeuh.

Kereket...panto hate muka

Ngagugupay mung ka
salira.

Ulah ingkah, ulah pindah

Banjiran kuring ku
kanyaah

Duaan kokojayan na sagara
salamina.

*Kangge apana barudak nu mikanyaah sareng dipikanyaah salamina.....*